أ ﻷمِیر:جلد 01؍ شمارہ 01 ..(جنوری–جون 0 220ء) )62(

نشرا لطیب فی ذکرالنبی الحبیب ﷺ کاتعارف و منہج؛ ایک تجزیاتی مطالعہ

An Analytical Study of the " Nashr al-Tīb fi Zikr-un-Nabi Al-Habib"

^Muhammad Fakhar ud Din

Sira of the Holy Prophet ﷺ is the only subject that can quench the thirst of every subject in the universe and guarantee the solution of every problem. Love and Obedience to the Holy Prophet (peace and blessings of Allah be upon him) is a must. Mawlana Ashraf Ali Thanwi ranks high in the list of biographers through his famous book "Nashr al-Tīb" in remembrance of the Beloved Prophet (May God bless him and his family and grant them peace) which is comprehensive enough to do its function. The book is one of his excellent works in its own way. It is a valuable book in Urdu language which has been presented in an unparalleled manner. It shows the love of the Holy Prophet ﷺ as well as his teachings; mysteries and secrets which is Narrated in the style of Mathnavi Maulana Rum.

In the said article, the introduction and method of " Nashr al-Tīb fi Zikr-un-Nabi Al-Habib" will be presented. In order to know the services and style of writing and purpose of Mawlana in Sira Nigari and the only purpose of Sira Nigari is to achieve love of of the Holy Prophet and obedience to Him ﷺ.

Key Words: Sira of the Holy Prophet ﷺ, "Nashr al-Tīb", Ashraf Ali Tahanawi,

Love of the Holy Prophet ﷺ, Obedience of the Holy Prophet ﷺ.

تعارف ِشیخ اشرف علی تھانوی:

شیخ اشرف علی تھانوی ، تھانہ بھون میں پیدا ہوئے اسی لئے مکانی نسبت تھانوی سے مشہور و معروف ہیں ۔ شیخ اشرف علی تھانوی کی پیدائش بھی عجیب و غریب انداز میں ہوئی ہے ۔شیخ تھانوی کی ولادت اس وقت ایک عظیم مجذوب افضل المجازیت حافظ غلام مر تضیٰ کی دعا کی برکت سے ہوئی جس قصہ اور تفصیل بڑی وضاحت کے ساتھ اشرف السوانح میں موجود و مذکور ہے شیخ اشرف علی تھانوی اور اپنی والدہ کی طرف سے علوی اور اپنے والد کی طرف فاروقی تھے شیخ اشرف علی تھانوی نے قرآن مجید ، فارسی ، اور ابتدائی عربی کی تعلیم اپنے ہی علاقے تھانہ بھون اور میرٹھ وغیرہ میں حاصل کی اور اعلیٰ تعلیم کے لئے مشہور مدرسہ دیوبند میں آپ نے صرف و نحو ، علم معانی و بدیع وبلاغت ، منطق و فلسفہ ، فقہ و اصول فقہ ،حدیث و اصول حدیث،اور تفسیر و اصول تفسیر کی تعلیم و تربیت مدرسہ دیوبند کے جید اساتذہ سے حاصل کی ۔شیخ اشرف علی تھانوی کو ذوالفقار علی دیوبندی کے فرزند ارجمند محمود الحسن دیوبندی جو مدرسہ دیوبند کے پہلے مدرس تھے ، سے بہت زیادہ استفادہ کا موقع ملا ہے ۔شیخ اشرف علی تھانوی کی زندگی کا بغور مطالعہ کیا جائے تو یہ بات واضح ہوتی ہے کہ حصول علم کے لئے آپ کو دور دراز علاقوں کا سفر کرنے کی زحمت کو گوارا نہیں کرنا پڑی ہے آپ کی تعلیم و تربیت کا من جملہ سامان مدرسہ دیوبند میں دستیاب ہوگیاتھا مدرسہ دیوبند میں آپ شیخ رفیع الدین دیوبندی سے فارغ اوقات میں بہت زیادہ استفادہ کرتے تھے ۔ ¹

آپ جب مدرسہ دیوبند سے فارغ ہوئے تو درس و تدریس میں مشغول ہوگئے آپ تازہ تازہ فارغ التحصیل ہوئے تھے تو پھر آپ اپنے اساتذہ کے مشورہ سے کانپور میں درس و تدریس کے لئے چلے گئے ۔کانپور میں آپ کی درس و تدریس ایک مدت مدید تک رہی ہے کانپور میں درس و تدریس کے ساتھ ساتھ آپ فتویٰ نویسی کی ذمہ داری کو بھی نبھاتے تھے ۔²

شیخ اشرف علی تھانوی کے ددھیالی اور ننھیالی خاندان صاحب نسبت تھے اور ان کے بزرگوں کے مزارات پر عرس و غیرہ بھی ہوا کرتے تھے ایسی نسبت کو شیخ اشرف علی تھانوی نے بھی حاصل کی تھی ۔ پہلے پہل آپ کا ارادہ تھا کہ شیخ رشید احمد گنگوہی کے دست پر بیعت ہوجائیں انہوں نے آپ کا زمانہ ء طالب علمی میں امتحان بھی لیا تھا مگر چند وجوہات کی بنا پر یہ بیعت نہ ہوسکی پھر آپ نے خط و کتابت کے ذریعے شیخ العرب و العجم حاجی امداد اللہ مہاجرمکی کے دست حق پرست پر بیعت ہوئے قبلہ حاجی امداد اللہ مہاجر مکی سلسلہء چشتیہ صابریہ کے ایک عظیم اور صاحب کرامت بزرگ ہیں جنہوں نے سیدنا مہر علی شاہ علیہ الرحمۃ کو اپنے کشف کی بنا پر کہا تھا کہ ہندوستان جاؤ اور ایک فتنہ کی سرکوبی آپ ہی کروگے ۔سیدنا مہر علی شاہ علیہ الرحمۃ کو قبلہ حاجی صاحب علیہ الرحمۃ نے اپنی خلافت سے بھی نوازا تھا ۔شیخ اشرف علی تھانوی مکہ شریف میں ایک عرصہ تک آپ کی صحبت سے بھی فائدہ اٹھایا اشرف السوانح کے مؤلفین کے مطابق قبلہ حاجی صاحب علیہ الرحمۃ شیخ اشرف علی تھانوی پر بہت زیادہ شفیق اور مہربان تھے ۔ ³

شیخ اشرف علی تھانوی کے معاصرین کی لسٹ بہت ہی طویل ہے کیونکہ 1857ء کی جنگ آزادی کے بعد مختلف فکریات نے جنم لے لیا تھا اور جس کے نتیجے میں ہر قسم کے لوگ علماء ، فضلاء ، مشائخ ، ادیب اور شعراء کا دور دورہ ہوگیاتھا اس لئے آپ کے متعلقین اور عقیدت مندوں کی لسٹ بہت طویل ہے ۔ معاصرین شیخ تھانوی میں شیخ تھانوی کو سب سے زیادہ احمد رضا خان بریلوی کی طرف سے مزاحمت ہوئی ۔ شیخ تھانوی اور شیخ احمد رضاخان بریلوی کے درمیان اختلافات شدت اختیار کر گئے جو اب تک بھی زہریلے جراثیم کے ساتھ ہندوپاک میں پائے جاتے ہیں جو اتحاد و یگانگت کے منافی ثابت ہورہے ہیں ۔ اور شیرازہ بندی کے منتشر ہونے کا سبب بن رہے ہیں شیخ تھانوی اور شیخ احمد رضاخان بریلوی کے درمیان اختلافات کے اس خلا کو پر کرنے کی ضرورت ہے تاکہ مذہبی رواداری اور امن و امان کی فضا کو پروان چڑھایا جاسکے ۔شیخ تھانوی اور شیخ احمد رضاخان بریلوی جانبین کی طرف سے ایک دوسرے کی تردید اور رد میں ہمہ وقت قلم متحرک رہا تھا ۔شیخ اشرف علی تھانوی کانپور کے مدرسہ سے فراغت پانے کے بعد مستقل طور پر تھانہ بھون میں مقیم ہوگئے اور پیری مریدی کے ذریعے دولت کو عام کرنے لگے تھانہ بھون ایک خانقاہ اور خانقاہی نظام کی شکل اختیار کر گیا ۔شیخ اشرف علی تھانوی نے تصنیف و تالیف میں بھی اپنی مہارت کا مظاہرہ کیا ہے آپ کے سوانح نگاروں نے آپ کی تصنیف و تالیف میں سینکڑوں کتابوں کا تذکرہ کیا ہے جس میں یک دو ورقی کتابوں سے لیکر ضخیم کتابوں کی بھی فہرست شامل ہے ۔ آپ کی کتابیں درس نظامی سے متعلقہ علوم کے ساتھ ساتھ فقہ حدیث ، اور تفسیر میں بھی عام ہیں من جملہ کتابوں کا جائزہ لیاجائے تو بات واضح ہوتی ہے کہ آپ نے تعلیم وتربیت اور ارشاد میں جو کتب تصنیف فرمائی ہیں و بہت وقیع ہیں شیخ تھانوی کی کتاب '' بہشتی زیور '' کو آپ کے حلقہ میں بہت ہی مقبولیت اور شہرت حاصل ہوئی ہے اگر چہ ا س کتاب میں بعض مسائل کلام فیہ ہیں ۔شیخ تھانوی کا قرآن مجید کا ترجمہ اور اس کی تفسیر بیان القرآن کئی جلدوں میں عام دستیاب ہے آپ کی نگرانی میں ایک رسالہ '' الامداد '' کے نام سے تھانہ بھون سے شائع ہوتا تھا جس میں آپ تعلیم و تربیت کا خاص اہتمام فرماتے تھے ۔

نشر الطیب فی ذکر النبی الحبیبﷺ:

''نشر الطیب فی ذکر النبی الحبیب ''صلی اللہ علی وآلہ وسلم '' درمیانہ سائز کے تین سو اکتیس(331) صفحات پر پھیلی ہوئی ہے ۔ہمارے پیش نظر نسخہ کو تاج کمپنی لمٹیڈ ، کراچی نے شائع کیا ہے جس پر سن اشاعت ندارد ۔کتاب ھٰذا کی کتابت جلی حروف میں کی گئی ہے جس وجہ سے کتاب کھلی کھلی لگتی ہے ۔ غالب گمان کے مطابق ہندوستانی نسخہ کو جوں کا توں اشاعت اور قاری حضرات کے ذوق مطالعہ کے لئے پیش کردیا ہے ۔اس کتاب کو دیگر اشاعتی اداروں نے بھی بڑی آب وتاب سے شائع کیا ہے ۔دارالاشاعت کراچی نے اس کو اعلیٰ سفید کاغذ پر اچھے انداز میں شائع کیا ہے مگر کتابت ناقص ہونے کی وجہ سے الفاظ ایک دوسرے میں خلط ملط ہوتے نظر آتے ہیں ۔ اس کتاب کو اکبر بک ڈپو ، لاہور نے بھی شائع کیا ہے ۔ہمارے پیش نظر نسخہ میں کتابت جلی ہونے کے باوجود کاغذ اخباری زرد ناقص ہے ۔اجمالی اور تفصیلی فہرست سے یہ نسخہ عاری ہے ۔یہ کتاب اپنے انداز بیان میں بہت مشکل ہے ۔ انداز تحریر اور لفظی ثقالت قاری کے ذہن پر بوجھ لادنے میں کافی ثابت ہوتی ہے اس لئے اس کتاب کی تسہیل کی ضرورت تھی ۔ جو اب یہ ضرورت پوری کردی گئی ہے اور کتاب عام قاری کےلئے بھی مفید ثابت ہوگئی ہے ۔

وجہ تسمیہ:

نشر کا معنی ہے پھیلانا ، بکھیر نا، طیب بمعنی خوشبو ،نبی غیب کی خبر دینے والا پیغمبر ، اور حبیب کا معنی ہے اللہ تعالی کا دوست ۔

اللہ جل جلا لہ ، کے دوست نبی کریم حضرت محمد مصطفیٰ کے تذکرہ ءجمیل کی خوشبو سے عالم رنگ و بو میں مانگ بھرنا اس کتاب کے نام کا معنی و مفہوم ہوا ۔شیخ تھانوی کی اس تصنیف لطیف کا مقصد اور وجہ یہ ہے کہ آپ ﷺ کے ذکر خیر اور تذکرہ جمیل سے امن و سکون کو پایا جائے اور بلاؤں اور مصیبتوں کو دور کیا جائے آپ ﷺ باعث امن عالم اور بلاؤں اور وباؤں سے شفا بخش ہیں ۔

وجہ تالیف:

آپﷺ سے محبت کےتقاضا کو آپﷺ کے ذکر خیر سے پورا کرنے کی سعی ، دوست و احباب کے خطوط کی آمد ،گھروں میں خیر و برکت کاحصول ظاہری اور باطنی فتنوں سے نجات اور پریشان خاطر لوگوں کی قلبی تالیف کیلئے یہ کتاب معرض وجود میں آئی ۔

شیخ اشرف علی تھانوی تالیف کی وجہ کے حوالے سے لکھتے ہیں:

''اس وجہ سے اور زیادہ آمادگی ہوئی کہ آج کل فتن ظاہری جیسےطاعون اور زلزلہ و گرانی وتشویشات مختلفہ کے حوادث سے عام لوگ اور فتن باطنی جیسے شیوع بدعات و الحاد وکثرت فسق وفجور سے خاص لوگ پریشان خاطر اور مشوش رہتے ہیں ایسے آفات کے اوقات میں علماء امت ہمیشہ جناب رسو ل اللہ ﷺ کی تلاوت و تالیف روایات اور نظم مدائح و معجزات اور تکثیر سلام و صلوٰۃ سے توسل کرتے رہے ہیں چنانچہ بخاری شریف کے ختم کا معمول اور حصن حصین کی تالیف اور قصیدہ کی تصنیف کی وجہ مشہور و معروف ہے میرے قلب پر بھی یہ بات وارد ہوئی کہ اس رسالہ میں حضور ﷺ کے حالات و روایات بھی ہونگے جابجا اس میں درود شریف بھی لکھا جا ئے گا ۔ پڑھنے سننے والے بھی اس کی کثرت کریں گے کیا عجب اللہ تعالیٰ ان تشویشات سے نجات دیں چنانچہ اسی وجہ سے احقر آج کل درود شریف کی کثرت کو اور وظائف سے ترجیح دیتا ہوں اور اس کو اطمینان کے ساتھ مقاصد دارین کے لئے زیادہ نافع سمجھتا ہوں ''⁴

1329ھ تک تھانوی صاحب کا قصبہ طاعون کی وبا سے محفوظ رہا ۔اورکتاب جہاں شائع ہوگی وہاں امن و سکون کی ضمانت شیخ تھانوی کا یقین ہے ۔

منہج کتاب:

شیخ اشرف علی تھانوی نے اپنی کتاب نشر الطیب فی ذکر النبی الحبیب ﷺ مندرجہ ذیل تین حصوں میں تقسیم کیا ہے ۔

1۔مقدمہ ۔2۔فصول ۔3۔خاتمہ ۔

1۔ مقدمہ

''نشر الطیب فی ذکر النبی الحبیب ''ﷺ کے مقدمہ میں شیخ اشرف علی تھانوی نے اس کتاب کے طرز اور ماخذ وغیرہ کو بیان کیا ہے۔کتاب ھٰذا کا مقدمہ مندرجہ ذیل تین مضامین پر مشتمل ہے ۔1۔ مضمو ن اول ۔ 2 ۔مضمون دوم ۔ 3۔مضمون سوم۔

مضمون اول

مقدمہ کتاب کے مضمون اول میں شیخ تھانوی نے اپنی کتاب کے مصادر و مراجع کو بیان کیا ہے ۔ہمارے حساب اور شمار کے مطابق شیخ تھانوی کے بیان کردہ مصادر و مراجع کی تعداد پندرہ (15) بنتی ہے ۔مفتی الٰہی بخش کاندھلوی کے رسالہ کو شمار میں لایا جائے تو پھر یہ تعداد سولہ (16) پہنچتی ہے ۔

مضمون دوم

شیخ تھانوی نے مضمون دوم میں احباب کے فرمائشی خطوط کا ذکر کیا ہے جن میں ان کو کہاگیا ہے کہ کتاب میں مواعظ اور نصائح اور مناسب لطائف ونکات کا بھی معرض تحریر میں لایا جائے ۔تو ان فرمائشی حالات کی روشنی میں تین ابواب کی تجویز ہوئی تھی جو مندرجہ ذیل ہیں ۔

1۔باب اول حالات وسیر نبویہ۔

2۔باب دوم مواعظ و نصائح مناسبہ میں ، باب کا نام باب الانوار۔

3۔باب سوم میں نام باب الاخبار لطائف علمیہ میں باب کا نام باب الاسرار ۔

پھر دیگر وجوہات اور انتفاع اورعدم انتفاع اور حجم کے خیال کے پیش نظر بعض امور کو مناسب مقامات اور حواشی میں جگہ دینا ہی قرار پایا ۔فتح محمد خان کا شوق تھا کہ اس کی تکمیل کرکے طبع کے لئے ان کے حوا لے کیا جائے جس کا وعدہ تو کرلیا گیا مگر ان کی اجازت سے مدرسہ دیوبند میں اس کو طبع کرایا گیا اور بنام خدا 1328 ھ میں اس کا قصد کیا گیا ۔

مضمون سوم

مقدمہ کے مضمون سوم میں بیان کیا گیا ہے کہ مقام ذوق و شوق میں اشعار کو موقع و محل کے مطابق لایا گیا ہے اگر عورتوں میں اس کتاب کو پڑھنے یا سنانے کا اتفاق ہو تو وہ اشعار چھوڑ دئیے جائیں شیخ تھانوی کی یہ بات محل نظر ہے کیونکہ من جملہ اشعار محبت رسول ﷺ کے ازدیاد اور اضافہ کا سبب ہیں ۔ فصاحت و بلاغت اور اخلاق حسنہ کا مرقع ہیں جن میں اخلاق اور ادب سے گری ہوئی بات کا شائبہ تک نہ ہے ۔ کیونکہ ان کے مؤلفین اپنے وقت کے بر گزیدہ اہل اللہ تھے اور اللہ تعالیٰ کے نیک بندے تھے جن سے غیر اخلاقی کام کا تصور بھی نا ممکن ہے ۔اللہ تعالی کے اخلا ق سے متصف لوگوں کے اشعار کو پڑھنے میں کوئی حرج نہیں ہے ۔

2۔ فصول

شیخ اشرف علی تھانوی کی یہ کتاب اکتالیس (41) فصول میں منقسم ہے ۔ان فصول میں سے بعض فصلیں ایسی ہیں کہ ان کو ایک الگ مختصر کتابچہ قرار دیا جائے تو بے جا نہ ہوگا ۔ بارہویں فصل حضرت محمد مصطفیٰ ﷺ کے معراج شریف کے بارے میں ہے یہ فصل اپنے متنوع موضوعات اور عنوانات کے اعتبار سے اس قابل ہے کہ اگر اس کو علیحدہ کتابی صورت میں بھی شائع کیا جائے تو وہ مختصر کتابچہ کی صلاحیت رکھتی ہے ۔شیخ تھانوی نے خود اس فصل کے عظیم الشان ہونے کی وجہ سے اس کا نام خود تجویز فرمایا تھا جو مندرجہ ذیل ہے ''تنویر السراج فی لیلۃ المعراج''⁵

کتاب ھٰذا کی تما م فصول موقع ومحل کے مطابق ضخامت اور حجم میں جدا گانہ ہیں فصول کے اختتام پر جو اہتمام ہے اس بارے میں شیخ تھانوی خود لکھتے ہیں ''اکثر ختم فصول پر قصیدہ بردہ شریف کے اشعار ہیں اور انکے ساتھ ایک شعر درود کا بھی جو قصیدہ بردہ شریف کا نہیں ہے تبرکا بڑھا دیا گیا ہے اور بعض جگہ الروض النظیف کے اشعار ہیں اور اسی طرح ان کے ساتھ بھی ایک شعر درود کا جو اس کا نہیں ہے ''⁶

مشمولات کتاب:

شیخ اشرف علی تھانوی کی یہ کتاب مندرجہ ذیل اکتالیس فصول مع عنوانات پر مشتمل ہے ۔

مشمولات کتاب اپنی ترتیب وتہذیب کے لحاظ سے عمدہ ہے اور حسن ترتیب میں بہتر ہے ۔

نشر الطیب فی ذکر النبی الحبیب ﷺ:

فصل نمبر۔ عنوانات و موضوعات۔

1۔ نور محمدی صلی اللہ علیہ وآلہ وسلم کا بیان ۔

2۔سابقین میں آپ ﷺ کے فضائل ظاہر ہونے میں ۔

3۔آپ ﷺ کا شرف و نزاہت نسب میں ۔

4۔آپ ﷺ کے نور مبارک کے بعض آثار کے ہونے میں آپ ﷺ کے والد ماجد و جد امجد میں ۔

5۔آپﷺ کے بعض برکات بطن مادر میں ۔

6۔بعض واقعات وقت ولادت شریفہ میں ۔

7۔بعض واقعات زمانہ طفولیت میں ۔

8۔یوم ماہ و سنہ وقت مکان ولادت شریفہ میں ۔

9۔ان کے ناموں میں جن کے متعلق آپ ﷺ کی تربیت اور رضاع یکے بعد دیگرے ہوتا رہا ۔

10۔شباب سے نبوت تک کے بعض حالات ہیں ۔

11۔نزول وحی اور کفار کی مخالفت میں ۔

12۔واقعہ معراج شریف میں فوائد متعلقہ واقعہ معراج تفسیر آیۃ الاسراء ۔

13۔ہجرت حبشہ میں ۔

14۔زمانہ اقامت مکہ بعد النبوت کے بعض متفرق اہم واقعات میں مختصرا ۔

15۔ہجرت مدینہ طیبہ میں ۔

16۔قدوم مدینہ طیبہ کے بعض اہم متفرق واقعات میں۔

17۔آپﷺ کے غزوات کا بیان ۔

18۔آپﷺ کے وفود کا بیان ۔

19۔حکام اور اہل کاروں کے متعین فرمانے میں ۔

20۔فرمانوں کی روانگی میں ملوک و سلاطین کی طرف ۔

21۔ آپ ﷺ کے بعض شمائل و اخلاق و عادات میں ۔

22۔آپ ﷺ کے بعض معجزات میں ۔

23۔ آپ ﷺ کے بعض اسماء شریفہ میں مع ان کی مختصر تفسیر کے ۔

24۔آپ ﷺ کے بعض خصائص میں ۔

25۔آپﷺماکولات، مشروبات ، مرکوبات وغیرہ میں ۔

26۔آپﷺ کے اہل و عیال و حشم و خدم میں ۔

27۔وفات شریف سے آپ ﷺ پر اور آپ ﷺ کی امت پرنعمت رحمت الٰہیہ کے تام اور کامل ہونے میں ۔

28۔آپﷺ کے عالم بر زخ میں تشریف رکھنے کے متعلق بعض احوال وفضائل میں۔

29۔آپ ﷺ کہ ان بعض فضائل مختصہ میں جو میدان قیامت میں ظاہر ہونگے ۔

30۔آپﷺ کے وہ فضائل مختصہ جو جنت میں ظاہر ہونگے ۔

31۔آپ ﷺ کے افضل المخلوقات ہونے میں ۔

32۔ان بعض آیات کی مختصر تحقیق میں جن کے ظاہر الفاظ سے حضور ﷺ کے فضائل کے معارضہ کا نعوذ با اللہ وسوسہ پیدا ہو سکتا ہے اور اسی نمونہ سے بقیہ نصوص کی تحقیق بھی سمجھ میں آسکتی ہے ۔

33۔آپﷺ کے بعض لوازم عبدیت کے بیان میں ۔

34۔آپﷺ کی شفقت میں امت کے ساتھ ۔

35۔آپﷺ کے حقوق میں جو امت کے ذمہ ہیں جن میں ام الحقوق محبت ومتابعت فی الاصول و الفروع ہے۔

36۔آپ ﷺ کی توقیر و احترام وادب کے وجوب میں ۔

37۔آپﷺ پر درود شریف بھیجنے کی فضیلت میں ۔

38۔آپﷺ کے ساتھ توسل حاصل کرنے میں دعا کے وقت ۔

39۔آپ ﷺ کے اخبار وآثار کی کثرت ذکر و تکرار میں ۔

40۔ زیارت فی المنام کے بیان میں ۔

41۔حضرات صحابہ واہل بیت و علماء کی محبت و عظمت میں ۔

''نشر الطیب '' کی فہرست اور عنوانات وموضوعات اپنی وضاحت میں اتنے واضح ہیں جن پر تبصرہ کی چنداں ضرورت باقی نہیں رہتی ہے کہ بتایا جائے کہ ان فصول میں سیرت کے کن پہلوؤں کو بیان کیا گیا ہے ۔

مصادر و مراجع :

شیخ اشرف علی تھانوی نے اپنی کتاب '' نشر الطیب فی ذکر النبی الحبیب ''صلی اللہ علیہ وآلہ وسلم کی تصنیف وتالیف میں مندرجہ ذیل مستند کتب کو پیش نظر رکھا ہے۔

1۔مشکوٰۃ المصابیح ۔2۔صحاح ستہ ۔3۔شمائل ترمذی ۔4۔مواہب لدنیہ ۔5۔ زاد المعاد از ابن القیم ۔6۔ سیرۃ ابن ہشام۔7۔الشمامۃ العنبریہ فی مولد خیر البریہ ۔از تصنیف صدیق حسن خاں قنوجی ۔8۔تاریخ حبیب الٰہ ۔9۔قصیدہ سردہ شریف ۔10۔الروض النظیف ۔11۔شیم الحبیب ۔

1۔مشکوٰۃالمصابیح

یہ حدیث شریف کی ایک عظیم الشان کتاب ہے جس میں ہر باب سے متعلق تین فصول ہوتی ہیں۔حسن ترتیب میں اور اخذ حدیث میں یہ ایک عظیم الشان کتاب خطیب تبریزی کی کتاب ہے اس کتاب کی شروحات میں مرقات از ملا علی قاری ، لمعات اور اشعۃ اللمعات معروف زمانہ کتب ہیں ۔ شیخ تھانوی نے اکثر احادیث اپنی کتاب میں اس حدیث شریف کی کتاب سے نقل کی ہیں ۔

2۔صحاح ستہ

صحاح صحیح کی جمع ہے اور ستہ بمعنی چھ کے ہیں ۔یعنی صحیح احادیث کی چھ کتابیں ۔صحیح بخاری ، مسلم ، ترمذی، ابوداؤد، نسائی ، اور ابن ماجہ ،صحاح ستہ کے نام سے مشہور ومعروف ہیں ۔ ان کتب ستہ کو صحاح کے نام سے جو موسوم کیا جاتا ہے وہ تغلیبا ہے اس سے مراد یہ ہے کہ ان میں اکثر احادیث صحت کے اعلی مقام و مرتبہ میں ہیں ۔ اس کا ہر گز یہ مفہوم نہیں ہے کہ ان کے علاوہ اور احادیث صحیح نہیں ہیں یا بمعنی غلط ہیں۔

3۔شمائل ترمذی

شمائل ترمذی امام ترمذی کی سیرت مصطفیٰ ﷺ پر ایک عظیم الشان کتاب ہے جس میں آپ علیہ الرحمۃ نے آپ ﷺ کے اخلاق و عادات ،خصائل وشمائل ،اور آپﷺ کے احوال کے متعلق احادیث کو جمع کیا گیا ہے درحقیقت یہ کتاب حدیث کے تناظر میں سیرت کی ایک عظیم کتاب ہے ۔ اس کتا ب کی بہت ساری شروحات بھی ہیں ۔