تحفہ دینے والا عقلمند اور بالغ ہو۔

جو چیز تحفہ دے وہ اس کے پاس موجود ہو ۔ غائب چیز کا تحفہ درست نہیں۔

ہبہ کے شرعی ماخذ:

ہبہ کے شرعی ماخذ سے اس بات کا پتا چلتا ہے کہ ایک پڑوسی دوسرے پڑوسی کا خیال کیسے رکھ سکتا ہے ۔

حضرت ابو ہریرہ ؓ سے وہ نبی کریم ﷺ سے روایت کرتے ہیں آپﷺ نے فرمایا کہ:

يَا نِسَاءَ المُسْلِمَاتِ، لاَ تَحْقِرَنَّ جَارَةٌ لِجَارَتِهَا، وَلَوْ فِرْسِنَ شَاةٍ⁵

" اے مسلمان عورتو! کوئی پڑوسن اپنی پڑوسن کے تحفے کو حقیر نہ سمجھے اگرچہ وہ بکری کا ایک کھر ہی کیوں نہ ہو۔"

احادیث مبارکہ سے تحفہ کی اہمیت کا پتا چلتا ہے کہ کسی کے بھی تحفہ کو کم تر نہیں سمجھنا چاہیئے۔ دوسری جگہ احادیث میں ارشادہے :

"عَنْ عَائِشَةَ، قَالَتْ: «لَقَدْ كَانَ يَأْتِي عَلَى آلِ مُحَمَّدٍ صَلَّى اللهُ عَلَيْهِ وَسَلَّمَ الشَّهْرُ مَا يُرَى فِي بَيْتٍ مِنْ بُيُوتِهِ الدُّخَانُ» ، قُلْتُ: فَمَا كَانَ طَعَامُهُمْ؟ قَالَتْ: " الْأَسْوَدَانِ: التَّمْرُ، وَالْمَاءُ، غَيْرَ أَنَّهُ كَانَ لَنَا جِيرَانٌ مِنَ الْأَنْصَارِ، جِيرَانُ صِدْقٍ، وَكَانَتْ لَهُمْ رَبَائِبُ، فَكَانُوا يَبْعَثُونَ إِلَيْهِ أَلْبَانَهَا "⁶

"حضرت عائشہ ؓ سے روایت کرتے ہیں کہ انہوں نے عروہ سے کہا اے میرے بھانجے ایک ایسا بھی وقت تھا کہ ہم ایک چاند دیکھتے پھر دوسرا چاند دیکھتے دو دو مہینے رسول ﷺ کے گھروں میں آگ نہ سلگتی میں نے پوچھا اے خالہ پھر کونسی چیز آپ کو زندہ رکھتی تھی حضرت عائشہ ؓ نے فرمایادو کالی چیزیں یعنی چھوہارے اور پانی مگر یہ کہ نبی کریم ﷺ کے پڑوس میں انصار تھے اور ان کے پاس دودھ دیتے تو آپ ﷺ ہم کو بھی پلاتے"۔

حدیث مبارکہ سے پتا چلتا ہے کہ دو دو مہینے نبی کریم ﷺ کے گھر چولہا نہ جلتا تھا اور ایک پڑوسی دوسرے پڑوسی کے کام آتا تھا لوگوں کی یہ تعلیم دینی تھی انہیں یہ سکھایا جاتا تھا کہ ترقی کا راز کس چیز میں پوشیدہ ہے؟ حضور پاک ﷺکتنے خوبصورت طریقے سے تحفہ کے باہمی تبادلے سے تربیت کی ۔تحفہ کے باہمی تبادلے سے نہ صرف کینہ اور نفرت دور ہوتی ہے ۔بلکہ پیار اور محبت بھی بڑھتی ہے ۔حضرت ابو ہریرہ ؓ نبی کریم سے نقل کرتے ہیں کہ آپﷺ نے فرمایا آپس میں تحفہ دیا کرو، لیا کرو کیونکہ تحفہ سینے کی کدورت دور کرتا ہے۔ یاد رکھو کوئی ہمسایہ اپنے دوسرے ہمسائے کے تحفہ کو حقیر نہ سمجھے۔⁷

عطیاتِ رسول ﷺ کی اقسام:

آپﷺ کی سخاوت کسی کے مانگنے پر ہی محدود نہ تھی بلکہ بغیر مانگے ہی لوگوں کو سب کچھ مل جاتا تھا۔ آپ اس قدر سخی تھے کہ کوئی کچھ مانگنے آتا توآپ اسے خالی نہ بھیجتے اگر آپ کے پاس کچھ موجود نہ بھی ہوتا تو آپﷺ قرض لے کر عطا فرماتے یا پھر وعدہ فرماتے غرض یہ کہ آپﷺ ہر طرح سے لوگوں کو عطا فرماتے ۔آپﷺ نے لوگوں کو جو کچھ عطا فرمایا اس کی اقسام درج ذیل ہے:

زکوٰۃ کی تقسیم میں سے مؤلفۃ القلوب کے نام دیئے گئے عطیات۔

نبی پاکﷺ کی عطا غیر مسلموں کو ۔

نبی پاک ﷺ کی عطائے عام۔

زکوٰۃ کا معنی و مفہوم:

زکوٰۃ کے معنی میں بڑھنا ، اضافہ کرنا ، پاک ہونا شامل ہے ۔زکوٰۃ سے مراد وہ مالی عبادت ہے جو ہر صاحب ِ نصاب مسلمان اپنے مال میں سے شریعت کی نظر میں زکوٰۃ لینے کے مستحق ہیں ۔

اسلام نے جہاں دولت کو ایک جگہ جمع کرنے سے منع فرما کر سَخت عذاب کی وعید سنائی ہے وہیں پر معاشرے میں دولت کی منصفانہ تقسیم کے بڑے موثر اقدامات تجویز کئے ہیں۔ جن میں سے ایک زکوٰۃ ہے۔ زکوٰۃ کی اہمیت کا اندازہ اس بات سے لگایا جا سکتا ہے کہ قرآن پاک میں کم از کم بتیس (32) مقامات پر نماز اور زکوٰۃ کا ساتھ ساتھ ذکر ہوا ہے ۔

سورہ البقرہ میں ارشاد باری تعالیٰ ہے :

"وَأَقِيمُوا الصَّلَاةَ وَآتُوا الزَّكَاةَ"⁸

"اور نماز قائم کرو اور زکوٰۃ ادا کرو"

نظام زکوٰۃ کا قیام اسلام کی بنیادی ذمہ داریوں میں سے ہے جیسا کہ سورۃ الحج میں اللہ تعالیٰ کا ارشاد ہے :

"الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ"⁹

" یہ وہ لوگ ہیں اگر ہم ان کو زمین میں اقتدار بخشیں تو وہ نماز قائم کریں گے زکوٰۃ دیں گے لوگوں کو نیکی کا حکم دیں گے برائی سے منع کریں گے اور سب کاموں کا انجام خدا ہی کے اختیار میں ہے ۔"

زکوٰۃ اللہ تعالیٰ کی نعمتوں کے شکر کا اظہار ہے یہ ایک مالی عبادت ہے جس کا مقصد ناداروں کی کفالت ہے ۔ نظام ِ زکوٰۃ پورے معاشرے کو تنگ دلی ، خود غرضی ، حسد و بغض سے پاک کر کے محبت ، ایثار، خلوص و تعاون کے جذبات پیدا کرتاہے ۔ اللہ تعالیٰ اس عمل کے ذریعے مومن کے دل سے تمام مادی محبتیں نکال کر اپنی محبت بٹھانا چاہتاہے اور یہ تربیت دینا چاہتا ہے کہ مومن اللہ کی راہ میں اپنا مال و جان حتیٰ کہ اپنی تمام قوتیں و صلاحیتیں قربان کر کے روحانی سرور محسوس کر کے شکر کے جذبات سےسرشار ہو کر اللہ نے اسے اپنے فضل و کرم سے اپنی راہ میں جان و مال قربان کرنے کی توفیق بخشی۔¹⁰

مصارفِ زکوٰۃ:

یعنی وہ لوگ جن کو زکوٰۃ دی جا سکتی ہے ان کا تعین بھی اللہ تعالیٰ نے قرآن پاک میں سورہ توبہ میں وضاحت کے ساتھ فرمایا ہے ۔

"إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ"¹¹

"صدقات ( یعنی زکوٰۃ و خیرات) تو صرف فقیروں اور مسکینوں کے لئے ہیں اور ان لوگوں کا جن کی تالیف القلوب منظور ہے ۔ اور غلاموں کے آزاد کرانے میں اور قرض داروں کے قرض ادا کرنے میں اور خدا کی راہ میں مسافروں کی امداد میں ( یہ مال خرچ کرنا چاہیئے یہ حقوق) خدا کی طرف سے مقرر کیے گے ہیں اورخدا جاننے والا اور حکمت والا ہے۔"

آیت کی روشنی میں زکوٰۃ کے آٹھ مصارف بیان کئے گئے ہیں ان آٹھ مصارف کے علاوہ زکوٰۃ کسی اور پر صرف کرنا جائز نہیں ہے۔ اوپر بیان کیے گئے آٹھ مصارف میں فقراء و مساکین کے علاوہ جن کی تالیف قلبی پر زور دیا گیا ان کو قرآن مجید میں مؤلفۃ القلوب کے نام سے یاد کیا گیا ہے۔

مؤلفۃ القلوب کی تعریف:

وہ لوگ جن کی دلجوئی کے لئے انہیں صدقات دیئے جاتے ہیں عام طور پر وہ چار قسم کے لوگ ہیں ۔ مسلمان ، غیر مسلم ، غریب حاجت مند و نو مسلم ان کی دلجوئی اس لئے کی جاتی ہے کہ یہ اسلام پر پختہ ہو جائیں۔¹²

نو مسلم رئیس ان انعامات کے مستحق:

مؤلفۃ القلوب کے نام پر جن پر انعامات کی بارش کی گئی ان میں سے ایک نو مسلم رؤسا اہلِ مکہ تھے۔ اسلام میں اب بڑی بڑی ہستیاں شامل ہو رہی تھیں۔ انہوں نے بظاہر تو اسلام قبول کر لیا لیکن ان کا عقیدہ پختہ نہیں تھا یعنی اسلام کودل سے قبول نہیں کیا تھا ان کے دماغوں پر جاہلیت کی چھاپ تھی جو اسلام کو دل سے قبول کرنے میں آڑے آرہی تھی ان کے نام درج ذیل ہیں:

اقرع بن حابس (تمیمی)

عینہ بن حصین ( مزاری)

مالک بن عوف (نصری)¹³

مسلمانوں کو اذیت سے بچانے کے لئے انعامات کی تقسیم:

اس قسم میں ایسے لوگوں کو انعامات سے نوازا گیا جو کہ غیر مسلم تھے اور اسلام لانے والے مسلمانوں کو اذیت دیتے تھے چنانچہ ان کے شر سے اہلِ اسلام کو بچانے کے لئے انہیں مال دیا گیا تاکہ یہ لوگ مسلمانوں کو اذیت دینے سے باز آجائیں اور اسلام قبول کر لیں۔

"نبی کریم ﷺ کے لائحہ عمل سے پتا چلتاہے کہ آپﷺ نے نہایت دانشمندی سے اپنے عمل اپنی عطا، صبر ، محنت ، جود و سخا اور کوشش کے ذریعے تمام مسلمانوں کو یکجا کیا اور اللہ کا پیغام دنیا کے کونے کونے میں پہنچایا ۔ آپ کی جو د وسخا کایہ عالم تھا کہ آپ سوالیوں کے علاوہ ایسے ہی احسان فرما دیتے تھے "۔¹⁴

جیسا کہ قرآن میں ارشاد ہے :

"هَذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ "¹⁵

"یہ ہمارا عطیہ ہے چاہو تو احسان کرو چاہو تو رکھ چھوڑو تم سے کچھ حساب نہیں۔"

آیت کے آخری جملے سے اس بات کی شک کی کوئی گنجائش باقی نہیں رہتی کہ اللہ پاک نبی کریمﷺ سے عطا کے بارے میں کوئی پوچھ نہیں آپﷺجسے چاہیں عطا کریں جسے چاہیں اللہ کی رحمت اور مرضی و منشاء کے حوالے کر دیں۔

مالِ فئے سے الفت کی بناء پر تقسیم:

تیسری قسم میں نبی کریم ﷺ نے ان لوگوں کو انعامات سے نوازا جن کے دلوں میں اسلام کے خلاف بغض و عناد کی آگ بھڑک رہی تھی تاکہ ان کے دلوں میں اسلام کے لئے محبت و الفت کا جذبہ پیدا ہو۔¹⁶

قرآن مجید میں اللہ تعالیٰ کا ارشاد ہے :

"مَا أَفَاءَ اللَّهُ عَلَى رَسُولِهِ مِنْ أَهْلِ الْقُرَى فَلِلَّهِ وَلِلرَّسُولِ وَلِذِي الْقُرْبَى وَالْيَتَامَى وَالْمَسَاكِينِ وَابْنِ السَّبِيلِ كَيْ لَا يَكُونَ دُولَةً بَيْنَ الْأَغْنِيَاءِ مِنْكُمْ وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ"¹⁷

"اور جو مال خدا نے اپنے پیغمبر کو دیہات والوں سے دلوایا ہے (بطورِ فئے) وہ خدا کے اور پیغمبر کے قرابت والوں اور یتیموں حاجتمندوں اور مسافروں کے لئے ہے تاکہ جو لوگ تم میں دولتمند ہیں انہی کے ہاتھوں میں نہ پھرتا رہے۔تو جو پیغمبر تم کو دیں اسے لے لو اور جس سے منع کریں اس سے باز رہو اور خدا سے ڈرتے رہو بیشک خدا سخت عذاب دینے والا ہے ۔"

آیتِ مبارکہ کی روشنی میں اللہ تعالیٰ نے (مالِ فئے) کی تقسیم کے طریقے بھی بتا دیئے اور ساتھ ساتھ پیغمبر کا ادب اور فرمانبرداری بھی سکھا دی کہ پیغمبر جو دیں اسے بغیر سوال کیے لے لو اور جس سے منع کریں اس سے باز رہنے کےساتھ خدا سے ڈرتے رہو اور خدا سے نہ ڈرنے والوں کےلئے عذاب کی وعید سنائی ہے ۔ اللہ تعالیٰ نے لوگوں کو ہدایت اور سیدھے راستے پر چلانے کے لئے اپنے برگزیدہ پیغمبران کی طرف مبعوث فرمائے جو لوگوں کو (واحد لا شریک ) کی تعلیم دیتے تھے لیکن دنیا اپنی پستی اور تاریکی میں ڈوبے رہنے کے باعث پیغمبروں کو طرح طرح سے اذیت دیتے تھے تاریخ ایسی مثالوں سے بھری پڑی ہے ۔ بالخصوص نبی آخر الزماں حضرت محمد ﷺ نے لوگوں کو اسلام کی دعوت دی تو آپ ﷺ کو پتھر مارتے یہاں تک کہ آپ کے جوتے مبارک خون سے تر ہو جاتے۔ گلی کے اوباش لڑکے آپ کے پیچھے لگاتے دوران نماز آپﷺ پر اونٹ کی اوجھڑی ڈال دیتے آپ کو (نعوذ باللہ) دیوانہ کہتے ۔غرض ہر طرح سے آپ کو نقصان پہنچاتے ۔ یہ آپ کے صبر اور جدوجہد کا نتیجہ ہی تھا کہ اللہ تعالیٰ نے آپ کا پیغام حق کر دکھایا اور اسلام دنیا کے کونے کونے میں پہنچ گیا۔ وہی لوگ جو کبھی آپ پر ایمان نہ لاتے تھے آج آپ پر کٹ مرنے کو تیار تھے اور ادب کا تو یہ عالم تھا صحابہ کرام کا کہ آپ سےکوئی بات پوچھنی ہوتی تو دعا فرماتے کوئی دیہاتی آئے آپﷺ سے عرض کرے اور ہمیں بھی اس کا جواب مل جائے انہی لوگوں کے بارے میں اللہ تعالیٰ قرآن مجید میں فرماتے ہیں ۔

"يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ذَلِكَ خَيْرٌ لَكُمْ وَأَطْهَرُ"¹⁸

"اے ایمان والو جب تم رسول سے کوئی بات آہستہ عرض کرنا چاہو تو اپنی عرض سے پہلے کچھ صدقہ دے لو یہ تمہارے لئے بہتر ہے اور بہت صاف ستھرا ہے ۔"

صدقہ ڈھال ہوتا ہے ہوسکتا ہے نبی ﷺ سے عرض کے دوران تم سے کوئی بے ادبی نہ ہو جائے اس لئے اہلِ ایمان کو صدقہ کرنے کی ترغیب دی گئی۔

غیر مسلموں کو نبی ﷺ کی عطا:

مؤلفۃ القلوب کے علاوہ آپ ﷺ نے جن پر انعامات کی بارش کی ان میں غیر مسلم بھی شامل تھے آپ کی عطا صرف مسلمان اور اہلِ ایمان تک ہی محدود نہ تھی۔ بلکہ آپ کی عطا ہر خاص و عام امیر غریب مسلم غیر مسلم سب کے لئے تھی ۔ جب بات آپ ﷺ کی عطا غیر مسلموں پر کی جا رہی ہو اور صفوان بن امیہ کے بغیر یہ ہو ہی نہیں سکتا۔

صفوان بن امیہ کو آپﷺ کی عطا:

رسول ﷺ کا ارشاد ہے کہ لوگوں میں کچھ ایسے آدمی بھی ہیں جنہیں ہم ان کے اسلام کے حوالے کر دیتے ہیں یعنی ان کے اسلام کے حوالے کر دیتےہیں یعنی ان کے اسلام پر اعتماد کرتے ہیں اور کچھ کو عطا کرتے ہیں حکمت کے پیش نظر جیسے نبی کریم ﷺ نے صفوان بن امیہ کو (جو کہ مسلمان نہیں تھا) گھا ٹی کے ایک سرے سے دوسرے سرے تک جس قدر اونٹ بھیڑ بکریاں موجود تھیں یعنی گھاٹی مویشیوں سے بھری پڑی تھی سب اس کو دے دی۔¹⁹

اعرابی کوآپ ﷺ کی عطا:

حضرت انس ؓ سے روایت ہے کہ میں رسول ﷺ کے ہمراہ تھا اور آپ ﷺ نے موٹے کنارے والی چادر اوڑھ رکھی تھی ایک اعرابی آیا اور اس نے آپﷺ کی چادر کو زور سے کھینچا جس کے باعث آپ کی گردن مبارک پر نشان پڑ گیا اور کہنے لگا اے محمد:

"میرے ا ن دونوں اونٹوں کو مال سے لاد دو تم کچھ اپنے باپ کے مال سے تونہیں دو گے رسول اللہﷺ خاموش رہے اور یہی کہا کہ مال تو اللہ کا ہے اور میں اس کا بندہ ہوں چنانچہ حضور ﷺ کے حکم کے مطابق ایک اونٹ پر کھجور اور دوسرے پر جو لاد دیا گیا۔"²⁰

حضور ﷺ کی عطا ابو سفیان کو :

دشمن کو دوست اور مددگار بنانے کے لئے اور دوستوں کو انعام دے کر عظیم کار گزاریوں پر آماد کرنے کے لئے نبی کریم ﷺ کی بصیرت نے جس نمایاں اصول سے کام لیا ،سیرت النبی ﷺ کے مطالعہ سے اس کی نظیر مل جاتی ہے ۔ دشمنوں کے ساتھ حسنِ سلوک اور ان کو بعض مراعات دینے سے اعداء کی قوت غالبہ میں کمی واقع ہو جاتی ہے اس سلسلے میں مثال درج ذیل ہے :

فتح مکہ سے پہلے ایک مرتبہ مکہ میں سخت قحط پڑا حضور ﷺ نے ابو سفیان کے پاس پانچ سو اشرفیوں کی خطیر رقم بھیجی کے مکہ کے محتاجوں اور غریبوں میں تقسیم کر دے ۔ابو سفیان نے بے بسی کے عالم میں جھنجلا کر کہا محمد ﷺ چاہتاہے کہ ا ب مکہ کے غرباء اور جوانوں کو ورغلا کر ہمارے خلاف کھڑا کر دے۔

دوسرا واقعہ یہ ہے کہ ابھی صلح حدیبیہ نہیں ہوئی تھی اور مسلمانوں کے معاشی دباؤ کے باعث قریش کی تجارت بند ہو کر روزگارختم ہو چکا تھا۔ابو سفیان کا روزگار بھی تجارت سےتھا ،آنحضرت ﷺ نے اسے مدینہ کی اچھی کھجوروں کی ایک بڑی مقدار بھیجی اور معاوضے میں طائف کا چمڑا طلب کیا۔²¹

حضور ﷺ کی حکمت:

حضور ﷺ کی عطا میں ایک حکمت کا یہ پہلو بھی پوشیدہ تھاکہ اس کے ذریعے صحابہ کرام کی براہ راست تربیت کی جارہی تھی کہ کسی کو کچھ دینا بھی ہے اور احسان بھی نہیں جتانا یہ ایک خوشگوار پہلو ہے جس کے ذریعے سے مثبت اثرات سامنے آتے ہیں اور ایسے لوگوں کو لئے اللہ پاک نے بہت درجے رکھے ہیں خود اللہ تعالیٰ قرآن مجید میں بیان فرماتے ہیں:

"الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ ثُمَّ لَا يُتْبِعُونَ مَا أَنْفَقُوا مَنًّا وَلَا أَذًى لَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ"²²

"اور جو لوگ اپنا مال خدا کے رستے میں صرف کرتے ہیں پھر اس کے بعد نہ اس خرچ کا (کسی پر) احسان رکھتےہیں اور نہ کسی کو تکلیف دیتے ہیں ان کا صلہ ان کے پروردگار کے پاس تیار ہے اور قیامت کے روز نہ ان کو کچھ خوف ہوگا اور نہ وہ غمگین ہونگے۔"

مذکورہ آیت کی روشنی میں ایسے لوگوں کے لئے ان کے پروردگار کے پاس صلہ (انعام) کا ذکر کیا گیا ہے جو کسی کو برضائے الٰہی عطا کر ے کے بعد پیچھے مڑ کر نہیں دیکھتے اور نہ احسان جتاتے ہیں۔

نبی پاک ﷺ کی عطائے عام:

انبیاء فطرتاً جود و سخا کا بہترین مظہر ہوتے ہیں اس کے بغیر وہ دعوت الی اللہ کا کام نہیں کر سکتے ۔ خاتم ا لنبین ﷺ چونکہ آنے والے تمام ادوارکے لئے اسوہ حسنہ ہیں اس لئے آپﷺ کا ذکر جود و سخا ابن عباس ؓ اپنے ان الفاظ میں کرتے ہیں :

"كَانَ النَّبِيُّ صَلَّى اللهُ عَلَيْهِ وَسَلَّمَ أَجْوَدَ النَّاسِ بِالخَيْرِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ جِبْرِيلُ عَلَيْهِ السَّلاَمُ يَلْقَاهُ كُلَّ لَيْلَةٍ فِي رَمَضَانَ، حَتَّى يَنْسَلِخَ، يَعْرِضُ عَلَيْهِ النَّبِيُّ صَلَّى اللهُ عَلَيْهِ وَسَلَّمَ القُرْآنَ، فَإِذَا لَقِيَهُ جِبْرِيلُ عَلَيْهِ السَّلاَمُ، كَانَ أَجْوَدَ بِالخَيْرِ مِنَ الرِّيحِ المُرْسَلَةِ "²³

"نبی کریم صلی اللہ علیہ وسلم سخاوت اور خیر کے معاملہ میں سب سے زیادہ سخی تھے اور آپ صلی اللہ علیہ وسلم کی سخاوت اس وقت اور زیادہ بڑھ جاتی تھی جب جبرائیل علیہ السلام آپ صلی اللہ علیہ وسلم سے رمضان میں ملتے، جبرائیل علیہ السلام نبی کریم صلی اللہ علیہ وسلم سے رمضان شریف کی ہر رات میں ملتے یہاں تک کہ رمضان گزر جاتا۔ نبی کریم صلی اللہ علیہ وسلم جبرائیل علیہ السلام سے قرآن کا دور کرتے تھے، جب جبرائیل علیہ السلام آپ صلی اللہ علیہ وسلم سے ملنے لگتے تو آپ صلی اللہ علیہ وسلم چلتی ہوا سے بھی زیادہ بھلائی پہنچانے میں سخی ہو جایا کرتے تھے۔

حضرت ابوہریرہ ؓ سے مروی ہے کہ حضور ﷺ کی خدمت میں 80 درہم لائے گئے آپ نے ان سب کو ایک چادر پر پھیلا دیا ۔جب تک ان سب کو تقسیم نہ فرمایا اپنی جگہ سے نہیں اٹھے حضرت سیدنا علیؓ فرماتے ہیں کہ اس وقت آپ کے پاس (شکم اطہر) پر بھوک کے باعث پتھر بندھا تھا۔²⁴

حضرت ابوہریرہ ؓ سے مروی ہے کہ ایک شخص کسی غرض کے تحت آپﷺ کے پاس حاضر ہوا ۔ آپﷺ نے نصف غلہ وسق کسی سے ادھار لے کر اسے دیا جب قرض خواہ نے اپنے قرض کا آپﷺ سے مطالعہ فرمایا تو آپ نےاسے پورا وسق عطا فرمایا اور فرمایا نصف تمہارا قرض اور نصف ہماری عطا۔

آپ ﷺنے قبیلہ ہوازن والوں کے چھ ہزار قیدی بغیر معاوضے کے واپس کر دیے۔

اور ایک مرتبہ حضرت عباس کو اتنا سونا عطا فرمایا کہ وہ اٹھا بھی نہ سکے۔²⁵

"مصطفیٰ بن زیاد نے حسن سے روایت کیا ہے کہ نبی کی خدمت میں ایک سوالی آیا فرمایا بیٹھواللہ دے گا دوسرا آیا پھر تیسرا حضور ﷺ نے سب کو بٹھا لیا آپ کے پاس دینے کو اس وقت کچھ نہ تھا اتنے میں ایک شخص آیا اور اس نے چار اوقیہ چاندی حضور ﷺ کی خدمت میں پیش کی حضور ﷺ نے ایک ایک اوقیہ تو ان تینوں میں تقسیم کر دیا اور ایک اوقیہ کے لئے پکار بھی دیا مگر کوئی نہ آیا ۔ رات ہوئی تو حضور ﷺنے وہ چاندی اپنے سرہانے رکھ دی۔ام المومنین حضرت عائشہؓ آپ کی بےچینی کا عالم دیکھ رہی تھیں لیٹتے ہیں پھر نماز پڑھتے ہیں پھر لیٹتے ہیں چنانچہ آپؓ نے وجہ پوچھی تو آپ نے بتایا مجھے ڈر ہے کہ میری موت آجائے اوریہ چاندی میرے پاس ہی ہو"۔²⁶

غرض حضور ﷺ کی عطا کی نظیر دنیا عالم میں کہیں نہیں ملتی آپﷺسے زیادہ سخی اور عادل دنیا میں اور کوئی ہو ہی نہیں سکتا لیکن بعض ایسے لوگ بھی ہیں جنہوں نے حضور ﷺ کی عادلانا تقسیم پر اعتراض کیا۔

تقسیم غنیمت پر اعتراض:

ہر مال غنیمت میں پانچواں حصہ رسول کریم ﷺ کے لئے مخصوص ہوتا ہے خواہ وہ اس معرکہ میں شریک ہوئے ہوں یا نہیں البتہ بدر کی جنگ میں سے ایسے صحابہ کرام کو مال ِ غنیمت میں سے حصہ دیا گیا جو جنگ میں شریک نہیں ہوئے تھے۔²⁷

ذوالخویصرہ کا آپﷺ کی تقسیم پر اعتراض:

اہلِ علم کو معلوم ہے کہ غزوہ حنین فتح مکہ کے بعددر پیش آیا جبکہ عرب کا زیادہ تر علاقہ فتح ہو چکا تھا ۔اس غزوہ میں لشکر اسلام کو کثیر مال ہاتھ آیا ۔ سپہ سالار خمس میں سے بعض نو مسلموں کو مؤلفۃ القلوب کی نسبت زیادہ عنایت فرماتے ہیں تو ذوالخویصرہ نامی گستاخ اور منہ پھٹ جس کی نسل سے آگے خوارج کا گروہ پیدا ہوا بول اٹھا:

" اے محمد ! اس تقسیم میں عدل کیجئےیہ ایسی تقسیم ہے جس میں اللہ کی رضا کا ارادہ نہیں کیا گیا"

اس گستاخی پر اس کی گردن اڑا دینے پر حضور ﷺ کو کوئی چیز مانع نہ تھی مگر صبر و تحمل کے اس پیکر نے صرف اتنا فرمایا کہ

"تجھ پر افسوس ہے اگرمیں بھی انصاف نہیں کروں گا تو دنیا میں کون انصاف کرے گا۔"²⁸

یہ وہ لوگ ہیں جن کا ذکر اللہ تعالیٰ اپنی مقدس کتاب میں اس طرح فرماتے ہیں:

"وَمِنْهُمْ مَنْ يَلْمِزُكَ فِي الصَّدَقَاتِ فَإِنْ أُعْطُوا مِنْهَا رَضُوا وَإِنْ لَمْ يُعْطَوْا مِنْهَا إِذَا هُمْ يَسْخَطُونَ"²⁹

"اور ان میں سے بعض ایسے بھی ہیں کہ (تقسیم) صدقات میں تم پر طعنہ زنی کرتے ہیں اگر ان کو اس میں سے خاطر خواہ کچھ مل جائے تو خوش رہیں اگر (اس قدر) نہ ملئے تو جھٹ خفا ہو جائیں۔"

آیت کی رو سے اسے لالچی اور خود غرض لوگوں کا پتا چلتا ہے جن کو صدقات میں سے کچھ مل جائے تو ٹھیک ورنہ دو جہاں کے بادشاہ کی عادلانہ تقسیم پر بھی اعتراض کرتے ہیں ۔

غیر مسلموں کو عطیہ دینے کی حکمت:

مکہ والوں پر حضور ﷺ کی عطا کا سبب و وجہ:

تالیف قلبی:

کسی کی مدد چھپا کر کرنے میں حکمت: